خلني"ساكت"

خلني"ساكت"ولاتبحث في خفاياي

من زمان وقلبي في صدري"جريح"

"العطاء"طبعي وهوسبب بلاي

مادريت ان"الزمن"طبعه شحيح

و"الخطا"اللي هوصدق قمة خطاي

اني اتعب لأجل "غيري"يستريح


(أميرة ألشاطئ )

يسعد صباحك .. يا حبيبي

يسعد صباحك .. يا حبيبي
حالي طيب


كل شي مثل اللي كان
المدامع .. والمواجع ..

والأمان اللي اختفى لحظة غيابك


والليالي اللي أقبلت .. مثل الليالي اللي مضت
الهم عازف .. والدمع نازف ..
والعمر في غيبتك حاير وخايف
حتى جراحك وسط قلبي مثل ماهي
وفي شفاهي باقيٍ نفس الكلام اللي بقى .. آخر لقا
مثل ماانتَ يا حبيب الروح شايف
كل شي مثل اللي كان
وحالي طيب
يا حبيبي

هذا انت

كل ما ضاقت بي الدنيا تغيب ...
وكل ما ضاقت بك الدنيا تجيني

هذا انت


ان كساك الهم صرت أوفى حبيب


وان نساك الهم تتباهى بـ أنيني


مثل منت .. دايم تجي فـ وقتك حبيبي


بعد ما وقتك يروح


يا آخر دموعي وشجوني ..


وأول إحساسي جروح


ما بقالي من عذابي يا حبيبي .. الا انت


وهذا انت يا حبيب الروح شايف ..


كل شي مثل اللي كان


وحالي طيب



يسعد صباحك .. يا حبيبي




هذا ضي الصبح .. او هو بعض نورك ؟!


هذا همس الورد .. او دافي شعورك ؟!


منهو مثلك في غرورك ؟!


جيت متأكد بسامح ..


راسم الطيبة ملامح


ماهو بدري !! ..


انت تدري


ما قتلني غيابك اكثر من حضورك
ايه كان العمر داكن ..

ايه كان الهم ساكن .. وقتي بعدك
بس أنا يا ضيّ عمري ..

كنت عودت الأماكن تألف بعادك وصدك

ياللي ما يرضيني ضعفك ..

ما ادري انثر فوق كتفك أغلى دمعي .. او أردك

يسعد صباحك .. يا حبيبي


( أميرة ألشاطئ )


 

مادامت الفرقى علينـا مقاديـر

 
مادامت الفرقى علينـا مقاديـر ~
 

سافر وترجع ياحبيبي على خيـر
 
وأشوفك عقب السفر بالسلامة 
 
عسى السفر لك ياعيوني مسافير
 
يكفي عن التوديع منك ابتسامـة
 
مادامت الفرقى علينـا مقاديـر
 
معذور لوعضَّيت كف الندامـة
 
لالا تعـذَّر وش تفيـد المعاذيـر
 
مسموح مابيني وبينـك ملامـة
 
وأعرف ترا حبَّك شغلني عن الغير
 
حطَّيت لك وسط الظماير علامة
 
قلبي على فرقاك يرفرف كما الطير
 
وجفني على طرياك ينكر منامـة

 لو تروح ابعد من حدود السما والجاذبيه

والله تبقى قريب .. اقرب من القلب لحنانه
 
  تنتشر فيني : شتات جروح .. مثل الروح حيّه

تختفي في كل عرق .. ولا فقدتك قال عانه

ليلة وداعك .. على كثر الحروف الأبجديه

ما لقى من ودعك حرفين ينطقها لسانه

قلت لي : قلبك لا ينسى .. قلت :
 ليت القلب فيه
دوره
 وليا لقيته وصّه ورده مكانه

أمنتك الله لا يطول غيابك

وش تنفع الدنيا بليا وجودك ؟

يمكن غيابي ما يسبب عذابك

لكن عذابي يا عذابي صدودك

غالي وتبقى غالي في غيابك

لكن يزيدك من غلاتك وجودك !!


( اميرة الشاطئ )