سافر واخذ قلبي معك وين مارحت
اخذه معك في غيبتك وش لي به .؟؟
يمكن معك يرتاح لاشافك ارتحت
يمكن يجيبك لي ولا تجيبه
اما انا لا رحت معذور لا طحت
ياكبرها فرقا حبيب لحبيبه
من فوق تقلب غيبتك دنيتي تحت
عندي غيابك هم واكبر مصيبه
غلاك شوفه داخلي منحوت نحت
قطعت قلبي كل مطريت غيبه
مليون ضيقه ان جيت عن خاطري زحت
ارجع فديت الليل يوم تحكي به
لله ادعي كل مامسيت واصبحت
اجعل نصيبي واجمعه مع نصيبه
شفني قبل لاتروح من ضيقتي بحت
واهديت لك غالي بحشمه وطيبه
قلبي يبيك اخذه معك وين مارحت
لكن امانه لا رخصته تجيبه
ليست هناك تعليقات:
إرسال تعليق