يــا أول العمر

يــاأول العمر ، قل لآخرك : خالفني..
.. .. .. .. .. .. ولاتتبع اللي وصل .. لدروب مقفولــــه

عشت العمر: حلم ، حلم العمر: ناصفني..
.. .. .. .. .. .. وقتي وفكري .. وأنا ماذقت محصوله !

غــريب !! كيف ارتضيت الياس يجرفني
.. .. .. .. .. .. والأغرب..الحظ .. دوم ايديه مغلوله !

كنت أحسب الوقت لو عاندت / ينصفني
.. .. .. .. .. .. واثري جهلت الزمن واتجاهل حموله

الواقع المُرّ.. يوم ٍ مَرّ.. خلّفني

.. .. .. .. .. .. عاجز.. يشوف الأماني تنتحر حوله!

وسنيني اللي من الفرحه تسلفني

.. .. .. .. .. .. كانت ترابيني بـ / "خيبات مدبوله "

واليوم ركب الطموح.. ان كان كلفني؟
.. .. .. .. .. .. نوّخت حمله على.." الأرزاق مكفوله"

ماعـــاد بي حيل لأحــــلام ٍتـــلاقفني
.. .. .. .. .. .. واللي بقى من صبر ما عاد يكفيله ~